Anda di sini

Barang sapa dipadu nyadi sapit iya, Lo tetap ngemeratka kerejasama

Advertisement

Lo Khere Chiang

KUCHING: Pemidang Sapit Chairman Opis Kaunsil Kandang Bandar Padawan (MPP), Mohamad Hashim Yap minggu nyin tadi, ngujungka penuduk nya puang.

Chairman MPP Lo Khere Chiang madah, barang sapa ke dipilih Menteri Opis Kandang Menua enggau Pemansang Raban Bansa ila, iya (Lo) sanggup bekerejasama enggau orang baru nya.

“Aku nadai bantah sekalika ari kaban kaunsil kami di MPP tauka orang bukai ari komponen parti dalam Barisan Nasional (BN) enti sida iya dipilih nyadi sapit aku. Aku nadai penanggul gawa enggau sapa-sapa,” ku iya madah lebuh dikerandau pengudah bejadika atur pengawa ‘Ramah Tamah Taun Baru Cina 2014 MPP’ di opis kaunsil nya semak ditu, kemari.

Apin lama ke udah, bisi mansa pending madahka Kaunsilor Munded Banat ari PBB ke mega kaban kaunsil ari MPP didinga deka dipadu mangku pengawa nyadi sapit Lo.

“Ngelama tu pan aku nadai penanggul gawa enggau kaban kaunsil aku. Nya alai, barang sapa ke nganti pangku pengawa sapit chairman nya ila pan, aku deka bekerejasama,” ku iya.

Kerusi sapit chairman nya puang berindik ari pemarai Mohd Hashim Yap minggu siti nyin tadi.

Lebuh ditanya ngagai Lo enti amat Munded nya deka mangku pengawa sapit MPP, ku Lo:

“Enda aku nemu, laban padu pangku pengawa nya datai ari Menteri…Aku bedau dipadah lalu enda nemu ni maya sapit aku deka duduk dia,” ku iya.

Enti sapit nya ila enda tau enda ari PBB, ku Lo, ba bagi nya pan bedau ditemu agi tang enti nitihka chura ari suba, sapit iya ari PBB lalu chairman diempu SUPP.

“Enti ka ngira sama rata, chalun nya mesti ari PBB,” ku iya.

Advertisement