Anda di sini

13,000 ruang bilik deka ngasaika penguntung

Advertisement

TINJAU: Mawan lebuh ke ngelawa apak alai ngaga Palan Pemeresi Ai di Kaki Wong, ensanus.

Penembu Palan Meresi Ai Kaki Wong nya ila dikearap ulih mutarka penanggul ke ditapi ngelama tuSARATOK: Urung 13,000 ruang bilik deka ngasaika penguntung ari Bekal Ai Beresi Luar Bandar (BALB), penembu projek ngaga palan Meresi Ai Beresi di Kaki Wong berega RM114 miliun nya, kena bulan Mei tu ila.

Menteri Pemansang Rama Sarawak, Tan Sri William Mawan Ikom madah, perengkaguna tu mega deka mutarka sekeda penanggul bekal ai ke suah nyadi ba sekeda endur baka di pasar Saratok, Kabong, Nyabor, Roban enggau kandang endur ke ngelingi nya.

“Diatu, peranak di pelilih tu semina bepanggai ba penatai ai ke dibekal ari Palan Pemeresi Ai Beresi di Nanga Lichok aja.

“Setegal penyampau mensia nyau majak nambah seraya ai ke enda umbas datai ari palan nya, tu ti ngasuh suah nyadi penanggul nya,” ku Mawan.

Mawan bejaku munyi nya lebuh ke dikerandau pemberita maya penemuai iya ngagai tapak ngaga Palan Pemeresi Ai Beresi di Kaki Wong enggau Palan Pemeresi Ai Beresi di Nanga Lichok, ensanus.

Tapak Palan Pemeresi Ai Beresi di Kaki Wong tu penyauh lebih kurang 30 kilometer ari pasar Saratok ke mega sebuah ari palan pemeresi ai ke pengambis besai di nengeri tu.

Ku iya bepelasarka tikas pengawa ke udah digaga dipansutka piak JKR ba palan nya, nyentuk ke bulan Januari taun tu iya nya ba tikas 90 peratus tembu.

Enggau nya kitai ngarapka peranak di menua pesisir ditu deka ngasaika perengkaguna nya sebedau Hari Gawai taun tu.

Bisi datai nyempulang Mawan D.O. Saratok, Mohd Ikmal Abdullah, ADE JKR Saratok, Meehan Jorai, Menijer Wilayah JKR Sarawak, Vincent Tang Chok Khing sereta beberapa iku ketuai raban bansa.

Advertisement