SIBU: Opis Hal Ehwal Khas (JASA) Sarawak udah nyuaka 200 iti beg sekula ngagai bala nembiak ba sitak Parlimen Lanang, nengah Program Mantu Rayat (Membara) Besekula Baru di Sibu,bedau lama ke udah.
Program tu udah diatur ba Sekula Primari (SK) Nanga Pak, SK Assan Nunggang, SK Nanga Salim, SK Ulu Durin enggau Rumah Cosma Sagieng, Bukit Penyau (penerima nya bala nembiak ari Rumah Cosma enggau Rumah Dana).
Program tu mega dipejalaika ba 222 iti sitak Parliman di serata menua Malaysia, ke alai setiap sitak Parlimen diungkupka 200 iti beg sekula.
Semua beg sekula nya ini dibekalka ari Indu JASA Malaysia, Kuala Lumpur.
Ungkup sitak Parlimen Lanang,beg sekula nya disuaka ba empat buah sekula primari sereta dua buah rumah panjai.
Tebal agi penerima nya nembiak ari sekula di menua pesisir, kena ngelempungka tating belanja apai indai ti bebelika set beg sekula ti baru ke anak sida.
Sama bisi ngulu program nya, Pengulu Philip Kayak Brandah, Kaunsilor Ladong Engkol enggau Pengemata Parlimen P.211 Lanang JASA Wilma Stanley Gramong, Kepala Pengajar, Penulung kanan enggau bala pengajar.