MIRI: Seiku pemesai polis enggai enda pan ngerais senyata api nuju seiku kampar (Bugis ari Indonesia) ke ngerinsa maya abas kenyit di ladang sawit di Bekenu kena malam Hari Lima tu tadi.
Saspek,Prape, 40, udah nya dianjung ngagai Hospital Miri malam nya mega atas bakal ba perut.
Ku penerang, saspek nyabut Badi ari kuchik lalu nguji deka nyerang polis.
Sapit Kepala Polis Miri, Supt Stanley Jonathan Ringgit lebuh ke dikerandau Hari Enam ngesahka nerima ripot kes bekaul kes nya.
“Kes nya mega ditasat dibaruh Seksyen 307 Kanun Keseksaan,” ku iya.
Ku penerang mega nambahka dalam abas kenyit ke dipejalaika jam 10.30 malam betuaika kepala polis Balai Polis Batu Niah (OCS), Inspektor Gilbert Cinhin Simunga, sida dulu agi ari tu udah nangkap saspek enggau enam iku agi ke bukai setegal bemain holo.
Maya ke meresa dokumen, saspek tak ngenyit ngeligan sereta nguji deka nyerang pemesai polis enggau Badi.
Seraya nyaga pengelikun diri, polis enggai enda pan nimbak perut saspek.
Ku cherita saspek sebedau tu belajar ngamal ilmu nawa diri kebal enda masuk utai tajam nyengkaum leka seterum.