KUCHING: Pemanah kaul antara Sarawak enggau Maluku terus kukuh nengah penemuai 17 iku deleget datai ari menua nya.
Penemuai nya betuaika seiku orang dagang Dato Sri Burhan Uray enggau bini iya, Betty Pai.
Burhan pemungkal sebuah kompeni ngereja kayu batang ke tebilang, Kumpulan Djajanti ke mega ex-presiden Serakup Besai gerempung Fuzhou Antarabansa.
Ku Betty ke ngarika laki iya, penemuai sehari tu nya beserimbai enggau pengerami Taun Baru China.
“Kami gaga ati laban ulih ngelawa tempat ke manah amat begulai enggau bala bakih,” ku Betty ke ngarika Burhan.
Sida mega disempulang ex-Gabena Maluku Karel Albert Ralahalu enggau pemungkal Media Group Surya Paloh.
Raban sida sangkai di Padang Bilun Antarabansa Kuching (LTAK) pagi kemari, disadang ngulu pengawa makai malam diatur Kelab Yung Kuching di Restoran Tian Court, Crown Square demalam.
Seraya nya, Karel madahka, penemuai nya dikena ngerapitka kaul kelebih agi raban bansa China di antara kededua kandang menua nya.