Anda di sini

Semua kereban dikena belajar lesap

Advertisement

KUCHING: Lapan iku nembiak institusyen pelajar tinggi prebet (IPTS) ukai semina lenyau tempat alai diau tang mega lenyau semua kereban dikena belajar  pengudah rumah suwa sida angus tumu pagi kemari.

Ku penerang, penusah tu nyadi di sebuah rumah kedai empat ringkat di Jalai Haji Taha, ditu ke alai dua begunan kedai angus lengis dalam penusah angus ke nyadi urung pukul 4 pagi kemari.

Semua bala nembiak, lima iku indu enggau tiga lelaki selamat sebedau api majak nyadi-senyadi.

Semua nembiak lapan iku nya beumur urung 20an nya beasal ari Sibu, Bintulu, Miri enggau kandang endur di luar Kuching.

Nundaku pengari bejaku ari bomba, bisi 20 iku raban ari Balai Bomba Batu Lintang enggau Padungan berumban mansang ngagai tempat penyadi betuaika Pemesai Bomba Abu Bakar enggau n Awang Saiful.

“Kereban pengangkut bomba datai di tempat penyadi jam 4.17 pagi, ke alai api mujur dipadam jam 5.09 pagi,” ku pengari bejaku bomba.

Nundaku iya mega nadai nyawa bisi ditemu diripot bebadi.

“Puncha enggau anggar pengerugi mengkang ditasat,”ku iya.

Advertisement