KUCHING: Kot Majistret ditu kemari udah netapka 6 March ungkup meri pemutus ba atas seiku nembiak lelaki umur 12 taun ke ngakun salah ba tudah menyati seiku nembiak indu umur lima taun.
Nembiak lelaki nya disempulang apai indai iya, ngakun ba mua Majistret Maris Agan, ba tuduh di baruh Seksyen 354 Kanun Keseksaan.
Majistret udah ngarah juvenil nya dikemata Sekolah Tunas Bakti seraya nganti ripot manah ulah ari Opis Pengelantang Mensia Mayuh.
Iya ngakun ngereja penyalah nya ba rumah iya di Jalai Matang ditu kena 28 Jan taun tu tadi urung jam 4.30 ngagai 5.30 lemai.
Nundaku fakt kes, bisi bakih lelaki nya mandangaka klip vedeo beleman ba henfon lalu keran deka nyidi pemendar dia iya nguji lakun nya enggau mansa ke mengkang mit ke mega jiran rumah.
Nembiak anak mit nya ke diuan ini iya umur 80 taun ke baka selama suah bemain ba rumah lelaki nya beberapa kali sehari.
Pekara nya nyadi maya apai indai iya nadai di rumah laban udah nurun gawa.
Tuduh nya mai ukum jil maksimum 10 taun tauka ukum mata duit tauka kededua nya sekali.