Anda di sini

Rayat dilalau enda ngembuan ulah bepilih bansa

Advertisement

ENGKILILI: Kaban Parlimen Lubok Antu, William Nyalau ngelalau rayat enda ngembuan ulah bepilih bansa  di nengeri tu.

Ku iya, ulah ke bansa nya semina ngeruga penyerakup  pupu raban bansa kelimpah tau ngachau gaya politik di menua tu.

Berindik ari nya, ku iya, Konsep 1Malaysia ke diberikelala ngasuh rayat begempung nyadi seiti bansa Malaysia kena ngenegapka kaul penyerakup antara rayat di nengeri tu.

“Penyerakup ba baruh 1Malaysia ngadaka gaya politik ke likun dikena ngemajuka menua kelebih agi Sarawak jemah ila,” ku iya madah ba penemuai iya ngabang ngagai rumah Kaunsilor Sing Kuang Hang beserimbai enggau pengerami nyambut Taun Baru China, apin lama ke udah.

Hang seiku peranak asal Engkilili kaban Parti Rayat Sarawak (PRS) ke baru dipadu nyadi Kaunsilor Opis Kaunsil Pelilih Mit Lubok Antu (MDLA).

Bisi nyempulang Nyalau ngabang TBC ngagai rumah Hang Kaban Kunsil Nengeri (ADUN) Engkilili, Dr Johnnical Rayong.

Kelimpah ari nya, Nyalau mega minta peranak nemu iya nya pengelikun ke diasaika sida kemayahari tu ketegal pengelandik raban ketuai nyerakupka sida.

“Aku ngarapka mayuh agi gerempung begulai enggau rayat ngemujurka program penyerakup ke diatur piak perintah ba endur diri empu,” ku iya.

Advertisement