SELAMAT TAUN BARU CHINA: Taib enggau bala bukai melah kek maya pengerami nya.
SIBU: Penatai pemisi seseiku deka manggai RM100,000 tauka 25 kali lipat ari penatai pemisi ke diatu manggai taun 2030, ku Kepala Menteri Pehin Sri Abdul Taib Mahmud.
Tu ku iya bepun ari industri Projek Kuasa Tau Dikena Baru Sarawak (SCORE) berengkah ari Samalaju, Bintulu nyentuk ke Tanjung Manis.
Penatai pemisi tu jauh bida ari ke perambu kenyau megai nengeri tu bepun ari taun 1981.
Iya mantai ke jaku nya maya makai lemai beserimbai enggau pengerami ngintu Taun Baru China (TBC) ke diatur Gempung Serakup China Sibu (UCA), Persatuan Tujuh Klan Sarawak enggau Dewan Perniagaan dan Perindustrian Cina Sibu ditu, kemari.
Maya tu mega Taib madah, ubah semua tu ulih dipeda seagi perintah Barisan Nasional mengkang megai menua tu ke disempulang pengering BN iya ke teguh baik nya ari penyerakup enggau kaul ti meruan ba menua tu.
Ku Taib, ubah semua nya ulih nyengala dipeda semina ketegal Sarawak mengkang ngerekunkka BN.
Taja pan baka nya penyakal nyangka semua nya pekara lempung.
“Tang enti kitai ngubah baikka ari pemansang ekonomi, nengeri tu deka bepanggai ba pengawa industri ti beperansangka SCORE.
“Nya alai, pengerami ngintu Jubli 50 taun merdeka emas ba Malaysia taun tu tadi, kitai ngadang deka ngembing diri empu nyungkak menua tu.” ku iya madahka baru.
Ketegal tu, ku iya SCORE deka mai ubah ngagai menua enggau rayat tu.
Maya tu mega, Taib ngelalau rayat bansa China ngambi ke enda kelalu ngemanaka pekara ti tau nekul pemansang nyadi nengeri kaya manggai ba taun 2030.