Anda di sini

St Theresa mujur ngatur sembiang berekat TBC

Advertisement

PEMERI: Fr Joseph Chai (kanan) nyuaka pemeri Taun Bari China ngagai seiku orang tuai nyerumba pengawa sembiang berekat TBC di Gerija St Theresa ditu seraya dikemataka chairman Kaunsil Parish Dennis Sung (dua kanan), Lucy Chai (tiga ari kanan) enggau Tukang Wang Kaunsil Parish nya Simon Yong (tengah).

SERIAN: Gerija St.Theresa ditu dedat laban mensia ke besembiang mass ditu kena Hari Empat tu tadi nyerumba pengerami ngintu Taun Baru China (TBC).

Sembiang nya betuaika Fr. Joseph Liew lalu dibantu Rektor Fr. Paul Herry enggau Fr. Joseph Chai.

Baka taun ke udah, bala paderi merekatka buah limau mandarin ke dibai bala kaban gerija ke diengkah ba mua kaunsil parish Unit China seraya meri pemeri pengasih ngagai bala paderi beterimakasihka iring sida dalam jalai pengarap.

Sida mega nyuaka pemeri ngagai kaban pemantu seraya beterimakasihka sida setegal udah ngereja pengawa ke manah, ngagai tuai gerija mega ungkup pengasih enggau iring sida lalu mega ngagai bala nembiak ngambika sida mansang dalam tubuh enggau pelajar.

Chairperson Parish kaunsil Unit China, Lucy Chai ngarapka bala kaban parish nguna bakat ke diberi Allah Taala ngambika sida enda tinggal aktiviti baka pengawa Macha Injil, servis altar enggau meresi rumah gerija enggau ke bukai.

Advertisement