Anda di sini

Hii ngatur pengawa merarau tanda temegahka sukung mensia mayuh

Advertisement

KAYA RAJA, SENANG LANTANG: Thomas bebaika bala pengabang ngeradak ai Taun Baru China.

BINTANGOR: Pemancha Thomas Hii udah ngatur pengawa merarau beserimbai enggau pengerami Taun Baru China ungkup raban bansa Iban enggau tuai raban bansa ba sebuah restoren ditu ensanus.

Dalam jaku pengelalu iya, Hii madah, tuju pengawa begempuru nya diatur dikena negutka kaul enggau bala bansa Iban kenyau ari iya udah nyadi ADUN dalam taun 1983 suba.

“Aku deka semampai ingatka sukung kita sekumbang ke nyadi pengari kita,” ku iya.

“Taja pan aku diatu udah dipadu nyadi Pemancha ungkup bansa China, aku besedia mega meri servis ngagai bala raban bansa bukai dalam semengat 1Malaysia enggau Barisan Nasional,” ku iya bejaku ditangkan enggau tempik jari urung 200 iku tuai rumah enggau kaban JKKK.

Hii ngembuan pengarap ulih sama-sama begulai enggau orang mayuh menua ditu ngambika negutka kaul politik, rama enggau pengawa ke digaga besehari-sehari.

Ngarika pengabang ke datai, kaunsilor Peter Saow bejaku, nyebut Hii nya seiku ketuai ke mentas sereta siru ke orang bukai lalu dikerinduka mensia mayuh.

Kelimpah ari nengkira pemakai ngagai bala pengabang, iya mega bisi nyadung ang pau ngagai bala sida.

Sekeda ari orang ke bisi datai nya, anak Hii kaunsilor Hii Ru Yee enggau bala kaunsilor Iban enggau China ke baru udah dipadu mangku pengawa ungkup Opis Kaunsil Pelilih Mit Meradong/Julau.

Advertisement