Anda di sini

Nanta ngabang nyerumba Taun Baru China di Kapit

Advertisement

PENGEDUT KAUL: Alexander (tengah) enggau raban pengabang ba rumah Sia Shui Poh begulai ngabang nyerumba Taun Baru China ditu.

KAPIT: Sapit Menteri Pemansang Menua Pesisir enggau Kandang Menua Malaysia, Datuk Alexander Nanta Linggi udah nguna awak kemisi maya Taun Baru China tu ngabang ngagai bala ketuai bansa China enggau NGO di Kapit ditu.

Kena malam 30 Januari tu tadi, Alexander enggau raban iya udah makai serumpu ba rumah Sia Shui Poh, seiku pemesai ba Palan Servis BN, Pengelantang Pendiau Bansa China sitak Kapit.

Ba hari keterubah Taun Baru China, iya udah ngabang ngagai rumah chairman Balai Dagang China Kapit, Dato Yong Hua Sying ke mega chairman Gerempung Foochow Kapit, chairman Gerempung Bulan Sabit Mirah Malaysia Kapit, Dr.

Sia Tih Kong, chairperson Gerempung Indu China Kapit, Wong Kie Ing ke mega chairperson Klan Hwang , chairman Gerempung United Chinese Kapit, Ma Tian Ho ke mega chairman Gerempung Tai San Ten.

Kelimpah ari nya, Alexander mega bisi nemuai ngagai chairman Gerempung Kwang Tung, Lee See Fong, ketuai Gerempung Nembiak Kwang Tung Association, Kong Cheak Hie enggau sekeda bala bukai.

Lebuh ngabang, iya disempulang pemantu iya Sylvester Insor, chairman SDNU Pampang Kapit , Joseph Jinggut, chairman SADIA, Edward Manggah, Kaunsilor George, Pemesai KEMAS, Ambrose Abong, Sapit pemesai Opis Tanah enggau Survei Kapit, Watson Awam, Tuai Rumah Jeffery, pemesai Palan Servis, Dennis enggau Alexon.

Advertisement