SARATOK: Seiku orang berikan dikenangika lemas lepas perau ke dikena iya enggau enam iku bakih ke bukai karam dipangka gumbang di kandang menua Simpang Tiga Tanjung Kuali Kabong, ditu, ensana.
Dalam penusah ke nyadi pukul 4 lemai nya mansa, Nurul Aizan Daraman, 24 lebang, seraya enam iku agi sida ke bukai mujur nyelamatka nyawa diri.
Semua mansa asal sida ari Kampung Kabong, semak ditu nurun berikan lalu dalam pejalai sida nengah kandang menua Simpang Tiga Tanjung Kuali Kabong, Sungai Krian perau sida dipangka gumbang besai ngujungka perau sida nya karam.
“Enam iku sida mansa ulih nyelamatka diri seraya seiku agi bedau temu.
Zamrul madahka enam iku ke selamat nya Chee Mat Chee, 24, Mohd Azhar Salleh, 24, Abg Mohd Shammy Abg Mansor, 24, Mohd Hafizul Izzani Abg Mansor, 17, Mohd Zulhelmi Bolhassan, 17, enggau Aman Afendi, 31.
Seraya nya, Pemesai Bomba enggau Penyelamat Saratok, Awang Affendi Awang Julaihi lebuh ke dikerandau madahka sida benung matau gaya utai. — Bernama