Anda di sini

Peranak menua sitak Kapit dipinta begempung

Advertisement

BELABUH: Jefferson Jamit malu gendang diperati ari empat ke kanan ke kiba Lee See Fong, Kong Sien Hua, Jefferson Jamit enggau Wilson Nyabong.

NYUAKA ANG PAU: Jefferson Jamit nyuaka ang pau ngagai seiku penerima.

Rayat mega enda tau melakangka perintah laban mayuh atur pemansang ungkup sida deka ditur

KAPIT: Sekretari Politik Kepala Menteri  Sarawak, Jefferson Jamit ngasuh orang mayuh nyukung perintah ke diatu.

“Aku ngarapka kitai ngemeranka kaul ke rapit lalu ulih bekerejasama dalam penegap gempung 1Malaysia. Kitai enda ulih melakang perintah ke diatu. Perintah pemeri servis ngagai mensia mayuh. Nambahka nya perintah udah merambu mayuh program pemansang ke deka dilanchar di Kapit dikena nambahka infrasruktur ditu ke penguntung mensia mayuh,” ku Jefferson maya nyadi Pengabang ke Dipebasa ba Pengerami Makai Lemai Taun Baru Kwang Tung ke diatur kena lemai Hari Mingu ba Dewan Suarah ke digulu urung tiga ratus iku mensia.

Jefferson Jamit ke mega mandal chairman PBB Pelagus ke mega ex-mandal walikota  Opis Kaunsil Pelilih Kapit mega beterimakasih ngagai bala pengundi Kapit ke udah meri sukung sida ngagai MP Kapit, Datuk Alexander Nanta Linggi ke diatu benung mangku pengawa nyadi Sapit Menteri Menua Pesisir enggau Pemansang Kandang Menua Malaysia.

Jefferson Jamit muji Gerempung Kwang Tung ke ditumbuhka dua puluh taun ke udah diatu jauh mansang sereta tegap. Kita mega udah nambah ari segi pemayuh tubuh  lalu gerempung mega mansang di baruh kemata ketuai ke udah beumur enggau bala nembiak .

Ba pengerami nya, Jefferson ngarika Sapit Menteri Datuk Alexander NantaLinggi nyuaka geran RM 10,000 ngagai aktiviti rama Kwang Tung.

Sekretari Politik Kepala Menteri Sarawak, Wilson Nyabong ngarika Menteri Pemansang Tanah, Tan Sri Datuk Amar Dr. James Jemut Masing nyuaka RM5,000 ngagai gerempung nya ungkup aktiviti rama.

Bela datai sekretari politik kepala Menteri Sarawak, Wilson Nyabong, Pemanca Tan Kian Hoo, Kapitan Micky Ngu Kong Siong, pengereja pengawa Opis Tanah enggau Survei Watson Awam, pemesai ungkup komuniti China P 215 Kapit, Sia Shui poh, supervisor KEMAS, Ambrose Abong, chairman SADIA Kapit, Edward Manggah, chairman Chinese Chamber of Commerce, Dato Yong Hua Sying, chairman United chinese Association, Ma Tian Ho.

MIJA VIP: ari kiba- Wilson Nyabong, Sia Shui Poh, Tan Kian Hoo, Kong Sien Hua, Jefferson Jamit, Lee See Fong, Yong Hua Sying, Ma Tian Ho enggau Micky Ngu.

Advertisement