Anda di sini

Kaban SDNU mujur beripai mensiang Pendam Batu 4

Advertisement

BESAUP: Mathew (kiba) enggau kaban gerempung bukai besaup maya pengawa beripai meresi Pendam Batu 4, Jalai KJD, Nanga Lasi ditu, kena Hari Enam tu tadi.

BINTANGOR: Gerempung Bansa Dayak Sarawak (SDNU) Pampang Meradong udah mujur ngatur pengawa beripai meresi Pendam Batu 4, Jalai KJD, Nanga Lasi ditu kena Hari Enam tu tadi.

Pengawa beripai nya digulu lebih 100 iku kaban gerempung nya begulai enggau peranak rumah panjai ti ngempu pendam nya.

Pengawa tu mega program keterubah SDNU Pampang Meradong ba taun tu.

Sekeda ari pengawa ke dikereja maya nya baka manchit, nebas sereta ensiang pendam.

Bela bisi datai ngulu pengawa tu iya nya Chairman SDNU Pampang Meradong Mathew Bato enggau bala ke bukai.

Advertisement