Anda di sini

Lima buah sekula ditutup ketegal ampuh bah

Advertisement

KUCHING: Bisi lima buah sekula di nengeri tu ti ditutup ketegal ampuh bah, ti nyengkaum tiga sekula di bagi menua Bintulu, sereta sama sebuah di bagi menua Lawas enggau Mukah.

Nitihku penerang berita ari Opis Pelajar Nengeri Sarawak madahka, lima buah sekula nya diriputka naka pukul 10 pagi kemari (22 Januari) ti mungkur 1,641 iku nembiak ti tejanggal ba pelajar.

Di Bintulu sekula ti ditutup nitihka riput ari Opis Pelajar Nengeri Sarawak naka pukul 10 pagi iya nya SJK Sebiew Chinese ti pemadu mayuh nembiak iya nya 1,140 iku, SK Sg Silas (53 iku nembiak) enggau SK Ulu Segan bisi 184 iku nembiak, berindik ari jalai enggau kandang sekula kena ampuh bah.

Nambahka nya SK Kuala Kenyana di Mukah bisi 35 iku nembiak tejanggal be pelajar ketegal sekula agi ditutup laban titi belian ti nyambung asrama ngagai kelas enggau bilik pengajar kena ampuh bah.

Bisi 229 iku nembiak di SK Siang Siang, Lawas  mega tejanggal ba pelajar sida ketegal sekula ditutup laban jalai enggau kandang sekula kena ampuh bah.

Advertisement