Anda di sini

11 tuai rumah sitak Marudi nerima pingat ari TYT

Advertisement

DIPEBASA: Lapan ari 11 iku tuai rumah ari sitak Marudi begambar bebala mayuh pengudah pengawa nyuaka pingat nya ari TYT.

MIRI: Sebelas iku tuai rumah ari sitak Marudi nerima pingat Bentara Bintang Sarawak (BBS) enggau Ahli Bintang Sarawak (ABS) ari Tuai Pemegai Menua (TYT) Tun Datuk Patinggi Abang Muhammad Salahuddin Abang Barieng di Miri ensana.

Micheal Sandom Anak Nyelang nerima pingat ABS seraya Adin Anak Jamban, Bantan anak Nuang, Collin Sait Anak Ukel, David Along, Engkong Anak Engkang, Jabing Anak Luang, Linggi Anak Usar, Malina Anak Anom, Rmaba anak Bungkong enggau Tipa anak Gawan nerima pingat BBS.

Tuai Rumah ( TR) Bantan Nuang madah, semua tuai rumah ke nerima pingat nya ketegal pemujur sida bejalaika servis sereta mai pemansang ke rayat ba sitak Marudi.

“Pingat tu dikena ngelai pemagas bala kami ke udah mantu perintah Barisan Nasional (BN) nengeri bejalaika pengawa ngemansangka rayat di menua pesisir,” ku Bantan ke berasal ari Sungai Kelabit Atas.

Tr Tipa mega setuju gelar tu mandangka perintah nengeri bebasaka pengawa ke udah dikereja sida ngelamatu.

“Kami semampai bekempit enggau perintah BN kelimpah nyukung Kaban Kunsil Nengeri (ADUN) Marudi Datuk Sylvester Entri Ak Muran ke nyadi pengari rayat BN ke mega seiku Menteri Muda ti seruran ngemeratka pengelantang pendiau rayat,” ku iya.

Tandu Bantan, mayuh atur pemanasang udah dipejalaika kena ngenukuka rayat ba menua pesisir ulih ngasaika ubah ba pemansang menua.

“Mayuh sekeda rumah panjai udah ngasaika atur pemansang baka nerima bekal kuasa karan enggau ai beresi kelimpah disambung enggau perengkaguna bukai baka jalai alun ke seruran dikeinginka rayat,” ku iya.

Advertisement