Anda di sini

Pasar lama Siniawan ngembuan gaya diri ngerami Taun Baru China

NGEMBUAN SEJARAH: Jalai Siniawan idup ditenggau beratus-ratus igi lampu tanglung.

ENDA TINGGAL: Tanda singa nyerumba pengerami Taun Baru China.

BAU: Lebih ari 1,000 iku mensia nedat pasar lama Siniawan kena malam Hari Enam tu tadi seraya ngasaika resu gaya pengidup pasar lama sereta jalai idup ngena tenggau lampu tanglung ditambah enggau pemerindang ‘live’ nyerumba pengerami Taun Baru China.

Mija alai makai udah sedia ditusun nitihka baris pemingkuk jalai ngambika temuai ke bisi datai bepeluang ngelantangka ati belepa sambil ngasaika penyamai utai diempa ari kedai enggau seruyuk kedai arau ke besemak.

Dua lumpung rumah kedai ke digaga ari kayu betunga direnchah jalai nya sebengkah sejarah lama pasar tu ke endang udah dia sebedau penatai James Brooke.

Pengudah nyadi tumpuk pendiau ungkup sida ke belumbungka emas di Bau menya, pasar nya udah diangkatka nyadi sebuah pasar pematak temuai setegal penuduk ke engkeman bendar namabahka nya pasar tu semina pejalai 30 minit ngena entukar ari indu nengeri Sarawak, Kuching.

Berebal enggau nya, REDfm bekempit enggau JKKK Siniawan udah bekunda mai pengerichah ngagai pasar lama nya nirika panggau ‘Shen Phin’ lalu ngatur konsert ba puting setak pasar.

Sekeda ari bengkah pemerindang maya konsert nya ke besuluka ‘Fantastic Chinese New Year Show 2014’ nyengkaum tanda singa sereta sekeda penanyi ke diundang.