KUCHING: Penyampau raban bumiputera ti majak nambah ngaul diri ba tanda singa mandangka main asal nya ukai semina ungkup bansa China aja.
Menteri Muda Pengerai Mensia Mayuh Datuk Dr Jerip Susil madah penambah penyampau nya meri tanda positif ungkup pemaik main asal raban bansa China.
“Iya ke amat, tanda singa ukai semina ungkup bansa China tang mega bela dikerindu bumiputera bukai nyengkaum Iban enggau Bidayuh.
“Pemayuh raban bumiputera ke ngaul diri enggau tanda tu ulih dipeda maya Taun Baru China,” ku iya ba sebengkah pengawa nitik mata singa malam ensanus.
Iya ke mega penyanding penemu dipebasa Gerempung Nanyang Wushu Sarawak madah tanda singa patut diangkat nyadi main asal komuniti kelebih ngagai nembiak rebak baru.
“Tanda singa ngarika identiti kitai lalu patut dikerembai ngagai raban nembiak rebak baru.
“Raban apai indai patut meransang bala anak sida ngaul diri ba main asal tu,” ku iya.