Anda di sini

Kerejasama ASEAN dikearap ngenegapka eko-dagang temuai Sarawak, ku Abg Jo

Advertisement

KUCHING: Kerejasama dalam ASEAN ngemendarka pengerembai ke manah entara industri dagang temuai ASEAN seraya ngenegapka eko-dagang temuai nengeri Sarawak.

Menteri Dagang Temuai Sarawak, Datuk Amar Abang Johari Tun Openg madah, nengeri tu ngembuan rampa menua ke manah ke ulih ngenudukka Sarawak nyadi menua ke setipak ngangkatka eko-dagang temuai.

“Dalam aum menua ASEAN nyengkaum menua China, Jepun, Korea enggau sekeda menua bukai, kitai ulih ngenudukka Sarawak nyadi destinasi baru dalam pemansang dagang temuai ba rantau tu,” ku Abang Johari.

Iya madah baka tu maya aum media nyerumba Aum Menteri Dagang Temuai ASEAN, beserimbai enggau ASEAN Tourism Forum (ATF) seraya bejadika Taun Nemuai Ke Malaysia (VMY) di Hotel Pullman ditu, kemari.

Iya madah, Sarawak mayuh udah muka ‘Taman Negara’ lalu enti deka diambika chunto, di Kuching aja, dalam penyauh pejalai 40 minit, bisi empat buah Taman Negara ke ulih dilawa temuai, baka Taman Negara Bako ke bepengeraja enggau reta sains tropikal enggau biodiversiti.

Lalu baka nya mega Tanjung Datu, Taman Negara Gunung Gading, Wetland Park (RAMSA) ke dikelala sereta dijaga United Nation.

“Nitih ku United Nations World Trade Organisation (UNWTO), di serata dunya diatu, gaya industri dagang temuai udah berubah, alai japai makit antarabansa udah bisi ‘trend’ muak ke eko-pengawa dagang temuai.

“Entara menua ke digaga orang kelimpah ari Afrika enggau Amerika Tengah baka Amazon, Kenya, lalu di sitak Asia Tenggara, kitai di bungkur baruh nya.

“Nya alai, diatu pemanah rampa menua kitai nyadi trend, kitai ulih ngangkatka produk baru bekaul enggau biodiversiti,” ku iya.

Kelimpah ari nya, Abang Johari madah dalam pemansang pengawa dagang temuai di Sarawak, begunaka penerebai bilun ke mayuh ngagai menua tu.

Ku iya, Sarawak deka berekejsama enggau bilun Royal Brunei Airlines (RBA) nyengkaum bilun bukai terebai ke Miri, nyengkaum ke pengabis baru, AsiaJazz ari Manila, Philippnes ke Miri lalu disambung ke Mulu.

“Ngarapka pemansang penerebai bilun tu deka nguntungka kededua buah nengeri, Brunei-Sarawak.

“Ari Kuching empu, Perintah udah minta MAS enggau sekeda kompeni bilun bukai beratika penerebai terus ari China, laban dijangka penatai temuai ari China bisi dalam 82 juta, lalu enti pengawa tu mujur, menua tu deka teulihka penguntung,” ku iya lalu nambah kerejasama enggau kompeni bilun di Hong Kong mega deka di.

Advertisement