Anda di sini

Opis perintah enggau kompeni dilalau muka mayuh agi taska

Advertisement

KUCHING: Opis perintah enggau kompeni ke ngembuan mayuh pengereja pengawa, diperansang numbuhka taska ba endur sida empu ngambika pulai ngagai pengelantang bala anak pengereja pengawa sida.

Menteri Pengintu Pengelantang Pendiau,Orang Indu enggau Pemansang Ruang Bilik Sarawak, Datuk Fatimah Abdullah madah, taska ke ditumbuhka ba endur sida gawa nya beguna amat, ngambi ngemuntang bala pengereja pengawa nganjung anak sida kia kelimpah ari ngelimat belanja enggau jam.

Ku iya, opis menteri nya deka meri pemendar ngagai raban teknikal nemuai ngagai palan nya sereta bepuas ati enggau perengkaguna enggau pengelikun.

Ku Fatimah, dalam pun taun tu sebuah Taska Perpaduan udah dibuka ba Kompleks Persekutuan, Jalai Simpang Tiga ditu dikena ngisi peminta enggau guna mayuh bengkah raban opis enggau ejensi perintah ke gawa ba kompleks nya.

Beserimbai enggau nya, iya meransang opis enggau ejensi perintah ke bukai nitihka singkang Opis Jil Sarawak ti numbuhka taska enggau tadika ba Kompleks Jil Puncak Borneo.

Taska enggau tadika nya deka berengkah dikena pun taun tu sereta nerima bala anak pengereja pengawa opis nya ke gawa ba Kompleks Jil Puncak Borneo. — Bernama

Advertisement