KUCHING: Seiku orang ke nganjung barang dirumpak lepas ngetu ba jematan di Jalai Setia Raja, ditu kemari.
Penusah nya nyadi urung jam 10 pagi lebuh lelaki umur 25 taun enggau seiku bakih ngetu enda lama di baruh jematan kemi.
Seraya nganti bakih pansut ari babas, dua iku lelaki nepan mutosikal minta duit RM1 laban ‘aus’.
Iya udah nya nyerahka RM1 sambil ngarapka dua iku nya angkat ninggalka tempat nya tang tekenyit bendar iya lebuh seduai enda nerima duit nya tang lalu minta diberi RM10.
Iya madahka nadai duit, ke alai dua iku nya manas lalu meresa kuchik mansa lalu nyawil henfon iya.
Lebuh iya nguji deka ngambi henfon, dua iku lelaki nya lalu nyamah iya ngena kayu enggau helmet.
Dua iku nya ngerarika diri meda bakih iya pansut ari babas lalu begagaika dua iku nya.
Mansa udah nya ngaga riput polis ngambika kes ditasat.