Anda di sini

Tuai rumah di Selangau ditesau ngambi kunchi peti surat

Advertisement

SELANGAU: Semua tuai rumah bagi pelilih menua Selangau ditesau ngambi kunchi peti surat komuniti Selangau enggau lengkas.

Kunsilor Ngumbang Awit  (gambar) madah, diatu udah mayuh surat datai tang mengkang empai diambi sida ke dituju.

“Nya alai, aku nesau semua tuai rumah ba pelilih Selangau ke bedau ngambi kunchi nya betemu enggau aku sebarang maya tauka betemu ba kedai Nak Enterprise, Lot No. 24, Pasar Selangau ditu,” ku iya madah kemari.

Nambahka nya ku iya, bala tuai rumah mega tau betelefon ngagai iya nengah lumur 019-8587325.

“Kelimpah ari nya, aku ngarapka udah tu ila bala tuai rumah ulih ngambi surat ke dituju ngagai rayat ke pegai sida urung sekali tauka lebih dalam kandang seminggu,” ku iya sambil madah ngambi kunchi nya nadai bebayar.

Advertisement