LUBOK ANTU: Panglima Medan soldadu Darat Leftenan Jeneral Datuk Seri Zulkiple Kassim madah, naka kediatu pelilih garis antaramenua Malaysia-Kalimantan Barat, Indonesia nadai betapi enggau sebarang keruga
Taja pia, iuya enda ngenggaika aktiviti baka mai tama barang chara belalai enggau enggau penatai rayat menua luar enggau nadai minta pemendar(PATI) dipelabaka mengkang nyadi ba genturung garis antara menua nya.
Ku iya, enggau jaku simpul, gaya ba garis antara menua Malaysia-Kalimantan Barat likun sereta nadai sebarang keruga besai ke tau nganchau tikasa pengelikun enggau nama manah Malaysia.
“Taja pia, kami semampai ngerapatka kaul kerejasama enggau mayuh ijinsi perintah ke mega sama bejalaika pengawa nyaga garis antara menua menua tu ninting hari,” ku iya madah ngagai pemberita maya nemuai sambil gawa ngagai Kem Jawatankuasa Perancangan Gerakan (JPG) tauka dikangau Kem Malindo Lubok Antu, ensana.
Sama nyempulang Zulkiple ba penemuai nya Kepala Direktor Operasi OPLAT Brigedier Datuk Ramli Jaafar, Kepala Staf Am Markas Medan Soldadu Darat Brigedier Jeneral Datuk Zamrose Mohd Zain, Panglima 3 Briged Brigedier Jeneral Datuk Mohd Nazir Mami, Panglima 9 Briged Brigedier Jeneral Muhammad Daniel Abdullah enggau Mayor Infantri Jamaludin S.H Dansatgas ari Yonif 143/ TWEJ.
Tuju penemuai nya dikena ngulihka penerang bekaul enggau Operasi Keris Parang ke dipejalai sechara begulai enggau Raban Soldadu Darat Malaysia enggau Tentera Nasional Indonesia-Angkatan Darat ba garis antaramenua ditu.
Tandu Zulkiple, piak iya naka kediatu benung merambu nyungkakka agi tikas pengawa nyaga garis antaramenua kededua menua tu.
Pia mega, sida deka ngemeratka pengawa ngerapatka kaul antara dua piak kena ngemuntangka pengawa nyaga garis antara menua ila.