Anda di sini

Tekat hidroelekterik Batang Ai mayuh berubah

Advertisement

PENYUNGKAK DAGANG TEMUAI: Jematan Gantung nuju Palan Belepa Batang Ai ke beungkus RM1 miliun tau bendar nyungkak penatai temuai baik nya ari dalam tauka menua tasik.

BISI PENGASIL?: Dipeda rapas mata, peranak menua dia patut berunding tauka diperundingka jalai dikena sida ngemansang ekonomi ari ti ngemataka rampa menua puang.

PENYANGKAI PERANAK MENUA: Sebengkah perengka penyikap ke diungkup ngagai peranak menua pesisir, pengkalan endur sangkai, bepunggah sereta nanchang perau sida.

NYUNGKAK PENATAI PEMISI: Peranak menua dia mega bepeluang nyungkak penatai pemisi sekalika gawa tauka nerenak, nupi ikan ba danau tekat nya.

Penembu palan endur belepa nya bulan Mach taun nyin kemari, tempat nya majak dikerinduka mensia mayuh

LUBOK ANTU: Penyelai, kenyau keterubah palan nya dipenyadi endur pengawa dagang ba taun 2005, tekat hidroelekterik Batang Ai mayuh berubah bepun ari pengawa ngemanahka penyikap perengkaguna dia.

Ubah ke nyata dipeda kitai iya nya Palan Pengawa Belepa Batang Ai ke beungkus RM1 miliun ti tembu bulan Mach taun nyin kemari.

Palan nya ngembuan jematan gantung, panggau,sereta tempat endur ngengkah entukar nebing bukit nya.

“Palan endur belepa nya udah ngubah seraya ngasuh tempat nya dikerinduka mensia mayuh lalu ulih matak mayuh agi temuai ari dalam enggau luar nengeri ngelawa tempat nya,” ku seiku temuai ke benama Donny Kipa.

“Lebih manah enti Festival Batang Ai diatur tauka diidupka baru,” tandu iya.

Advertisement