Anda di sini

Seraban 11 iku lelaki ditipu pengari sebengkah ‘kompeni’

Advertisement

MIRI: Bisi 11 iku lelaki ari Sibu madahka diri kena tipu orang ke besemaya meri sida pengawa ba kompeni offshore ditu di Miri.

Saspek nya kenu udah ngambi duit lebih RM15,000 ari sida tu nyengkaum bayar ungkup kos penyangga ke enda tau enda diambi sebedau kompeni ke diari iya bepengkalan di Miri ngambi sida tu bekereja.

Seiku ari sida ke ditemu The Borneo Post lepas ngaga ripot polis madah, sida bekelala enggau saspek ke madahka diri ngarika sebengkah ‘kompeni’ urung bulan September taun nyin tadi.

“Kami arap amat…lalu kami mayar kos penyangga ngambika ulih diambi gawa ba tasik ungkup ‘kompeni’ nya,” ku seiku ari sida.

Nundaku tudah, sida datai ari Sibu begigaka saspek ngambika iya tau ngamatka danji .

“Pengudah kami bank-in duit ngagai iya, kami enda kala ninga berita ari iya, kami deka nemu kemaya kami deka ngambi kos penyangga,” ku tudah.

Ku tambah tudah, sida sangkai ba Miri kena 10 Januari lalu mansang ngagai ‘kompeni’ ke disebut saspek, tang enda memukai seiku pan nadai pengereja pengawa dia nemu nama saspek.

Nyepi diri udah kena tipu semua sida nya lalu angkat ngagai Balai Polis Sentral Miri (CPS) lalu ngaga ripot polis.

Advertisement