Anda di sini

Naka pukul 4.00 lemai kemari SK Kuala Kenyana mengkang ditutup

Advertisement

KUCHING: Sekolah Kebangsaan (SK) Kuala Kenyana di Pelilih Mit Mukah mengkang tejanggal ba pelajar beduduk ari sekula nya agi ditup naka pukul 4.00 lemai kemari ketegal penuasah ampuh bah.

Nitih penerang berita ti dikeluar kemari, ketegal penusah tasah bah apai indai enda nganjung anak sida lalu semina pengereja pengawa sekula aja ti bisi di sekula.

SK Kuala Kenyana ditutup berengkah 9 Januari tu tadi ti bisi 35 iku nembiak lalu 32 ari penyampau nya nembiak buding enggau tiga nembiak pulai hari.

Sekula nya bisi 13 iku pengajar enggau lapan pengereja pengawa.

Kelimpah ari nya, nadai orang ti kena penusah tasah bah diripotka di serata nengeri naka pukul 4.00 lemai kemari.

Nitih penerang ari Opis Pengemata Gaya Hari Pampang Sarawak, gaya hari di nengeri tu mengkang dipelabaka mambam ba sekeda bagi menua.

Lebih agi di menua pesisir di bagi menua Timur Sarawak ari lemai nyentuk ke malam enggau kandang tebiang tasik ari malam nyentuk ke dini hari.

Advertisement