SARIKEI: Sepasang indu lelaki dituduh ngereja penyalah di baruh Seksyen 35 Kanun Keseksaan setegal nganguska tilam ba sebuah hotel tumu pagi hari Hari Satu.
Jalang Galau, 29 enggau Ivy Violane Telik, 24 enda ngakun salah.
Registrar Kot Majistret Sarikei, Mosidi Husseini udah ngeletakka deka nyebut kes kena tu 20 Februari lalu ngemendarka seduai dilepas nengah ikat jamin RM5,000 dua iku penyamin enggau deposit Kot RM1,500 seiku.
Nundaku tuduh ke dibacha Pemesai Prosekuting, Inspektor Anbarasu Gobi kededua iku ke dituduh tu ditangkap polis ketungkah riput ke digaga pengereja pengawa ba hotel udah ninga bilik nya chapuh lalu meda tilam angus.
Bepelasarka tasat polis, api nya nyadi bepun ari insap Violane ke dipechaya benung mabuk maya nya.