Anda di sini

PBB udah mai mayuh ubah ngagai Sitak Baram, Telang Usan

Advertisement

MIRI: Parti Pesaka Bumiputera Bersatu Sarawak (PBB) enggau sekeda parti komponen Barisan Nasional (BN) ke bukai udah mayuh mai ubah sereta nyaup nyungkak pengidup rayat ti ngelui 50 taun ke udah di sitak Baram enggau Telang Usan.

Kaban Kunsil Nengeri Telang Usan, Dennis Ngau madah naka ke diatu PBB mayuh udah ngangkatka ketuai bansa Orang Ulu baka Temenggung Datuk Oyong Lawai Jau, ke diberi pangku pengawa nya setaun ke udah ngambika ulih mantu rayat di Baram kelebih agi bansa Orang Ulu, malutka diri ba pengawa politik sereta bisi bagi ba pekara ngaga pemutus.

“Nya meh pekara ke amat, menua Baram udah berubah kenyau ari 50 taun ke udah ari baruh pegai BN, sereta mega berindik ari pemanah kaul enggau sukung rayat Baram empu,” pia ku bejaku ba pengerami begulai enggau rayat ba Long Tungan, Ulu Baram apin lama ke udah.

Dennis ke disempulang Sekreteri Politik Kepala Menteri, Robert Laing mega madahka rayat ba sitak Baram patut majak nyukung BN sereta begempung enggau perintah ngambika semua projek pemansang ke udah diperambu ulih dipejalaika.

“Kitai patut begempung ngambi sama bela ulih ngasaika pengelantang ari pemansang ti dipejalaika perintah ungkup kitai di Baram,” ku iya.

Berebak enggau pengerami nya, Dennis mega nerima 201 iti peminta baru nyadi kaban PBB, Sab – Pampang Lio Mato-Moh, ari lima buah rumah panjai ba kandang menua nya.

Advertisement