SABAR: Ting (kanan) disempulang raban SUPP Miri bejaku ngagai pemberita kemari.
MIRI: Lebih 3600 raban Parti Rakyat Bersatu (SUPP) pampang Piasau dipinta sabar pengudah pampang nya dikinsil Opis Pengerijister Gerempung Malaysia (ROS) Kuala Lumpur kenaka 6 Januari tu tadi.
Ex-chairman, Datuk Sebastian Ting madah status raban sida mengkang sah ketegal udah dirijister terus ngagai renggat pusat parti.
Iya madah, SUPP Piasau deka ngenataika apil ngagai ROS dalam timpuh sebulan tu ngambika ulih ngenan pampang ke udah manggai umur 42 taun nya.
“Nitihka Seksyen 18 Akta Pertubuhan 1966, SUPP Miri pampang Piasau diberi timpuh 30 hari berengkah 6 Januari ngenataika apil ba senentang pemutus ROS ti nginsil SUPP Piasau ngagai Opis Menteri Pekara Dalam Menua,”ku iya.
Bejaku ngagai pemberita kemari, Ting tekenyit ninga rita ti disah Sekretari Besai SUPP, Dr Sim Kui Hian ba surat berita kemari.
Kelimpah SUPP Piasau, ROS mega nginsil SUPP pampang Bekenu ti bechairmanka Presiden SUPP, Tan Sri Peter Chin berengkah 6 Januari.
Ting minta semua raban ngeringka semengat sida napi pemutus ke ditetapka ROS.
“Aku ngarika ex-raban SUPP pampang Piasau minta ampun ngagai semua nyengkaum peranak Miri pengudah pampang dikinsil ROS Kuala Lumpur,”ku iya.
Ting meri basa ngagai sukung raban SUPP sereta peranak Miri ngelamatu.