Anda di sini

Mayuh kebuah peranak menua di Bengoh ringat

Advertisement

SEKULA ENDUR NGARAU: Sekula ngarau di BRS ke alai nembiak sekula ari SK Rejoi enggau SK Taba Sait.

BELEPA: Dua iku nembiak di Kampung Semban benung duduk di baruh rumah sida.

PUANG: Gaya rumah di BRS ke tebal nya bedau diuan.

Tebal sida ke pindah ngagai Sekim Pengentap Baru Bengoh ketegal ngemeratka pelajar anak

KUCHING: Kami pindah setegal berundingka anak ke mengkang besekula, ku sebana tebal peranak genturung pendiau ke kena bungkur tekat ai Bengoh bekaul enggau sida ke pindah ngagai Sekim Pengentap Baru Bengoh (BRS) semak ditu.

Taja pia, ukai sida enggai pindah ngagai BRS tang setegal sekeda kebuah ke agi bedau ngemuaska ati peranak dia.

Antara iya nya pekara bekaul enggau tanah di luar perimeter seagi enda diputar seagi nya peranak enggai pindah 100 peratur.

Peranak menua ke kena bungkur projek tekat ai nya ari Kampung Semban, Rejoi, Taba Sait enggau Pain Bojong.

Maya ke diatu, sida ke nadai anak besekula, tebal agi nguan menua lama taja pan dilalau pindah ngagai BRS.

Nundaku Ketua Kampung (KK) Semban Bujus Kian, tuju peranak dia ngeringka pengawa nuntut tanah di luar perimeter nya setegal nya hak sida.

Ku iya, laban tanah di luar perimeter nya bedau disukat anangka dibayar, tang sida udah diasuh pindah.

“Taja pan bisi sekeda tumpuk pendiau udah 100 peratus setuju pindah, sida tetap enggai angkat diatu laban tanah di luar perimeter bedau diputar.

“Tebal agi sida ke udah pindah nya diatu ketegal anak sida ke besekula laban sekula di kampung asal (SK Rejoi enggau SK Taba Sait) udah ditutup,” ku iya lebuh ke dikerandau kilah ensana.

Maya ke diatu, bala embiak ari BRS udah masuk besekula di sekula sentara ke disebut SK Taba Sait, nguna apak lama opis kunteriktor Naim Engineering Sdn Bhd.

Naka ke diatu, penyampau peranak menua dia ke udah pindah ke BRS bisi nambah ari taun dulu iya nya 42 ruang bilik ari Kampung Semban, 34 ruang bilik ari Kampung Taba Sait, 22 ruang bilik ari Kampung Rejoi enggau 12 ruang bilik ari Pain Bojong.

Taja pia, Bujus madahka pengidup sida di BRS diatu bedau temu tunga ke alai sida betapi enggau penanggul tempat alai bekebun kelimpah ari ke nadai tung uras.

“Entara lot alai betanam betupi kami bedau temu bagi lalu tu ngenusahka kami ke deka bekebun.

“Kelimpah ari nya, tong uras mega enda disendiaka taja udah suah minta ngagai MPP enggau Trienekens,” ku iya lebuh ke mantaika sebana ke ditapi peranak menua dia di BRS naka ke diatu.

Advertisement