Anda di sini

Sekeda sekula di pelilih mit Tatau tejanggal ba pelajar ketegal bah

Advertisement

BINTULU:  Ba hari keterubah sekula dibuka taun tu, lapan buah sekula ba Pelilih Mit Tatau enggau sebuah sekula di Bintulu tejanggal ba pelajar ketegal bah.

Lapan buah sekula nya nyengkaum SK Sg Bagian, SK Nanga Penyarai, SK Rh Tayai, SK Rh Keseng, SK Nanga Tau, SK Kuala Anau, SK Kuala Muput, SK Sangan Iban enggau SK Kpg Nyalau.

Unit Pengatur Sekula Opis Pelajar Tatau, Florence Tampang madah, pengajar enggau raban opis sekula nya mengkang bejalaika pengawa sida baka selama di sekula nya.

Ku iya, pengelama timpuh nya dilanjarka bepanggai ba gaya bah nya, tambah mega pengawa meresi sekula beguna timpuh beberapa hari.

Bilik kelas ba tiga buah sekula baka SK Nanga Penyarai, SK Rh Tayai enggau SK Rh Keseng mega ampuh bah.

Berebak enggau nya, gaya ampuh bah ke nyadi ba pelilih mit Tatau mengkang ba tikas bejejaga.

Kelimpah ari nya, sekeda ruang bilik udah dipindahka ngadai Palan Lumba enggau Main Tatau kenyau ari 29 Disember nyin tadi.

Nitih penerang ari palan nya, urung 100 iku nyengkaum nembiak mit dipindahka ngagai palan pengenduh nya ensanus.

Advertisement