Anda di sini

Program Begempuru Rayat ba Padang Merdeka nadai nerima sambut

KUCHING: Raban ke madahka diri deka ngaga Program Begempuru Rayat (Mantah Rega Barang Niki) nadai dipeda ayan ba Padang Merdeka maya malam nyambut taun baru tu tadi.

Bantah ke diperambu ulih Gerempung Nembiak Sarawak (PAMS) enda nerima timbal ari mensia mayuh ke diau di nengeri tu.

Sebedau tu, PAMS nengah akaun ‘Facebook’ enggau pesan jaku pandak (SMS) bisi nesau nembiak di nengeri tu mantah rega barang ke niki lalu diasuh ngena baju chelum.

Raban ke beempu tanggungpengawa ngaga bantah nya, dipadah udah nukar haribulan gempuru nya, nitihka lalau Opis Penguasa Kandang Menua (PBT).

Taja pia, bisi sekeda riput polis udah digaga ulih gerempung ukai dikuasa perintah (NGO) enggau parti politik ari minggu siti nyin tadi bekaul enggau bantah nya.