KUCHING: Sepenyampau 240 iku graduet dikerami ba program Konvokesyen Universiti Teknologi Swinburne Kampus Sarawak di Palan Aum Borneo Kuching (BCCK) ditu, kemari.
Program dikemujur Kepala Menteri Datuk Patinggi Abang Johari Tun Openg ke mega pro canselor universiti nya lalu bela digulu pemesai presiding Andrew Dix ti ngarika Canselor universiti Graham Goldsmith.
Ari 240 iku graduet, 105 iku nerima Ijazah Perniagaan, 9 nerima Ijazah Rekaan (Rekaan Multimedia), 11 graduet nerima Ijazah Teknologi Komunikasi dan Maklumat, 11 graduet Sains Komputer sereta 8 graduet Ijazah Sains (Bioteknologi).
Penyampau 86 graduet nerima Ijazah Kejuruteraan dengan Kepujian (Awam, Mekanikal, Kimia, Elektrikal enggau Elektronik, Robotik enggau Mekatronik sereta Robotik enggau Mekatronik/Sains Komputer).
Nambahka nya enam agi graduet nerima Ijazah Sarjana Pentadbiran Perniagaan (Antarabangsa), dua graduet Ijazah Sarjana Pengurusan Pembinaan lalu seiku graduan Ijazah Sarjana Kejuruteraan (Pekara Pansik) enggau graduet Ijazah Sarjana Sains (Pekara Pansik).
Konvokesyen nya mega ngangkatka tiga iku graduet nerima Ijazah Doktor Falsafah (PhD) ba bengkah injiniring enggau sains.
Graduet Swinburne mungkur pelajar Malaysia enggau menua luar baka ke Bangladesh, India, Pakistan, Sri Lanka, Indonesia, Mauritius, Kenya, Uganda, Zambia, Oman enggau Saudi Arabia.
Naka ke diatu, Swinburne Kampus Sarawak bisi 4,000 iku pelajar ari 50 bengkah menua.
Bela datai Mandal Canselor Professor Linda Kristjanson sereta Sekretari Perintah Nengeri Tan Sri Morshidi Abdul Ghani.