Anda di sini

Urung 130 buah bas elektronik deka dipungkal 2019

Advertisement

Program SBST tauka e-bas tu deka beoperasyen ba mengeri Kuching dikena mutarka bagi jalai ke pemadu sekut

 Dr. Jerip (tengah) nyua pemeri ngagai siku penguna, beserimbai enggau pengerami TBC di Kuching Sentral ditu, kemari.
E-BAS BERENGKAH 2019 : Dr. Jerip (tengah) nyua pemeri ngagai siku penguna, beserimbai enggau pengerami TBC di Kuching Sentral ditu, kemari.

KUCHING: Urung 130 ‘e-bas’ tauka bas elektronik deka dipungkal ba Bandaraya Kuching, nyengkaum beoperasyen ba sitak bandaraya ke sekut, lalu deka berengkah dikena 2019.

Menteri Muda Perengka Pengangkut, Datuk Dr. Jerip Susil madah e-bas tauka program ‘Stage Bus Service Transformation’ tauka SBST nya deka dipungkal ba Bandaraya Kuching.

Siti sempekat entara Perintah Besai nengah Opis Menteri Besai besereta enggau Konsortium Bas Bandaraya Kuching (KBBK) udah digaga kena 22 Nov 2017 suba. e-bas tu ila deka dipejalaika  konsortium tu.

Maya sempekat nya ditempa, bisi dipadah urung 130 buah bas deka dikena, bejalai mungkur sitak Bandaraya Kuching taja naka kediatu bedau temu ni bagi sitak di bandaraya ke dipilih, tang ke nyengala iya ya nya ungkup jalai ke pemadu sekut,” ku Dr. Jerip, lalu nandu baru madahka pemerat tuju ngena e-bas laban deka ngurangka penyekut jalai alun.

Ba lansa bukai, Dr. Jerip madah sebedau tu, bas tu enti nitih ngena diesel, tang kabinet Sarawak udah ngemendarka semua bas ke ngena diesel tau ditukar ngagai bas elektrokink.

Tu siti pekara ke manah kelebih agi lebuh kitai nyaga rampa menua.

Bas elektrik manah agi ke rampa menua, tu siti chara ngena e-bas. Bas tu deka ngena teknologi ke manah ke rampa menua, lalu tu pemungkal iya diberi kelala di Sarawak, ngambika kitai siru sereta beresi ke rampa menua,” ku iya, lalu nandu baru nukar bas ngagai e-bas tu baruh pegai tanggung pengawa Opis Menteri Pemansang Infrastruktur enggau Pengangkut sereta sekeda ijinsi bukai.

  • oleh
  • Advertisement