Anda di sini

TYT, KM diatu di Kuala Lumpur ngulu Aum Majlis Raja-Raja Ke-247

 Taib (dua kanan) enggau Abang Johari (kanan) maya ba Aum Majlis Raja-Raja.
BENUNG BAUM: Taib (dua kanan) enggau Abang Johari (kanan) maya ba Aum Majlis Raja-Raja.

KUCHING: Tuai Megai Menua (TYT) Tun Pehin Sri Abdul Taib Mahmud bisi di Kuala Lumpur ngulu Aum Majlis Raja-Raja Ke-247 ti betuaika Sultan Selangor, Sultan Sharafuddin Idris Shad berengkah ari 11 ngagai 12 Oktober di Istana Negara.

Aum Majlis Raja-Raja tu digulu semua Raja Melayu lalu disempulang Menteri Besai kelimpah ari Kelantan ti diarika Pemangku Raja Kelantan lalu Pahang diarika Pemangku Raja Pahang seraya Johor diarika Tunku Temenggong Johor, Tunku Idris.

TYT Sarawak, Sabah, Pulau Pinang enggau Melaka deka disempulang Kepala Menteri sida empu.

Ari Sarawak, Taib disempulang Datuk Patinggi (Dr) Abang Johari Tun Openg.

Taib deka ngulu pengerami makai lemai diRaja kena malam Hari Tiga di Dewan Santapan di Istana Negara Kuala Lumpur.

Yang di-Pertuan Agong, Sultan Muhammad V deka ngulu Aum Majlis Raja-Raja seraya disempulang Menteri Besai Dato’ Sri Najib Tun Razak.