Anda di sini

SADIA deka ngatur Pekit Ngajat kena 4 Nov 2017

KUCHING: Sarakup Dayak Iban Sarawak(SADIA) pampang Kuching deka ngatur pekit ngajat kena 4 November 2017 di Palan Ekumunikel Kristian Kuching.

Nitihka penerang ari Chairman SADIA pampang Kuching Datuk Paduka Anthony Nait, pekit entara sebengkah pengawa ninting taun gerempung lalu dikearap ulih nyaup ngenanka main asal bansa Iban.

Kelimpah ari nya, SADIA Kuching mega dekaka mayuh agi kitai bansa kelebih agi raban nembiak belajar lalu landik ba pengawa ngajat.

Nengah atur tu, main asal ngajat kitai deka seruran ayan, dipandangka ngagai temuai,’ku Nait.

Iya nambah pekit nya disadang dipenyadi Sapit Kepala Menteri Datuk Amar Douglas Uggah Embas.

Ba pekit nya mega ku Nait nambah, sekeda raban orang indu ari pelilih Sri Aman, Miri, Bintulu, Kapit enggau pelilih bukai deka mandangka ngepan Iban.

Pekit Ngajat tu ila dibuka ngagai orang Indu sereta lelaki.

Pemenang lumur satu, dua enggau tiga ungkup kategori Orang Indu sereta Lelaki deka nerima perais RM700, RM500 enggau RM300.

Pemenang mega deka nerima trofi, setipikit enggau hamper.

Pekit dibuka ngagai penyereta ke beumur ngelui ari 18 taun lalu pom enggau bepekit meseti dianjung sebedau 20 Oktober 2017 pukul 4 lemai.

Pengatur pekit ngeletak bayar RM50 ungkup pemekit.

Sebarang tanya, kelebih agi sentang pom masuk tau dikenatai ngagai Nait ba lumur 0146771481/0178085196, Peter Moni(0198887884), Ricky Tujuh (0109726011/0135744319) tauka Philip Anak Sempurai (0165759010/0178089815).