Anda di sini

11 iku nadai alai ngenduh, rumah lengis diempa api

Advertisement
 Gaya rumah pengereja pengawa ke udah lengis diempa api.
LENGIS: Gaya rumah pengereja pengawa ke udah lengis diempa api.

MIRI: Bisi 11 iku nyengkaum lapan lelaki, siku indu enggau dua nembiak mit lenyau palan endur ngenduh pengudah rumah sida angus diempa api ba penusah ke nyadi ba sebuah kebun sawit di Suai, Jalai Miri-Bintulu, ditu pagi ensanus.

Penusah angus dipelaba nyadi urung 10.45 pagi ensanus ke mungkur sebuah blok rumah ke bisi enam pintu bilik.

Nitih penerang, sida ke diau ba rumah nya bisi nguji ngerara api ngena pam tang api majak enda ulih rara laban api udah mau.

Raban Komiti Operasyen (PGO) Opis Bomba enggau Penyah Penusah Malaysia (JBPM) madah Raban Bomba Volunteer (PBS) Niah nerima kangau tasah ari Balai Polis Niah madahka pasal penusah nya urung pukul 11 pagi.

“Enam iku staf PBS Niah betuaika William Thien berumban ngesah palan nya lalu maya datai dia tepeda siti blok rumah enam pintu bilik udah lengis angus.

“PBS Niah mujur ngerara api nya ngena ai parit ari ke majak nyerarai ngagai begunan ke semak,” ku iya.

Kaban PBS Niah mega bisi ngangauka Bilik Kuntroller JBPM Miri madah pasal penusah nya urung pukul 12.38 tengah hari.

Berebak enggau nya, Ketuai JBPM Miri Penguasa Kanan Bomba I (PgKB I) Law Poh Kiong madah, 10 kaban Balai Bomba enggau Penyah Penusah (BBP) Miri betuaika Pemesai Bomba Kanan II (PBK II) Roslan berumban ngesah palan nya urung 122 kilometer ari balai.

“Kaban BBP Miri berumban matau sereta ngambi penerang ari sida ke tasah angus.

“Penusah nya nadai ngenataika penusah bakal tauka bebadi nyawa,” ku iya.

Nitihku Law kaban BBP Miri bisi tusah mimit ngiga palan penusah laban nadai tanda jalai tauka simpang ngelawa palan nya.

Kaban BBP Miri udah nya bekejang pulai ke balai urung pukul 4.40 lemai pengudah semua terenah.

Advertisement