Anda di sini

STA meri bantu sepenyampau lebih RM1 juta ngagai 19 NGO

Advertisement

KUCHING: Gerempung Kayu Ramu Sarawak (STA) udah meri bantu belanja sepenyampau lebih RM1 juta ngagai 19 bengkah organisasyen rama enggau pengintu pengelantang ditu, tadi.

Bantu pemeri nya udah disuaka Tuai Pemegai Menua (TYT) Tun Pehin Sri Abdul Taib Mahmud, seraya disempulang Sapit Kepala Menteri ti mega Menteri Pemansang Kandang Mengeri enggau Pengeraja Asal II Datuk Amar Awang Tengah Ali Hasan enggau Setiausaha Kehormat STA, Dato Henry Lau Lee Kong.

Entara 19 organisasyen tauka gerempung ukai dikuasa perintah (NGO) ke nerima pemeri nya baka Gerempung Dayak Iban Sarawak (SADIA), Dayak Bidayuh National Association (DBNA), Federation of Orang Ulu Association Sarawak Malaysia (Forum), Amanah Khairat Yayasan Budaya Melayu Sarawak (AKYBMS), The Federation of Chinese Associations Sarawak, Persekutuan Persatuan Melanau Sarawak.

Nambahka nya Pusat Perkhidmatan Warga Tua Kuching, Rumah Seri Kenangan Kuching, Sarawak Society For Deaf, Sarawak Cheshire Home, Kuching Autistic Association, Diabetes Malaysia Cawangan Negeri Sarawak, Sarawak Children's Cancer Society, Sarawak Hearth Foundation Kuching, Sarawak Society for the Blind.

Tun Taib enggau (lapan ari kiba) Naroden, Awang Tengah enggau Lau sereta ke bukai begambar bebala mayuh enggau penerima.
Tun Taib enggau (lapan ari kiba) Naroden, Awang Tengah enggau Lau sereta ke bukai begambar bebala mayuh enggau penerima.

Kelab Rekreasi dan Sosial, Jabatan Hutan Sarawak (FORESSA), Persatuan Kebajikan Islam, Jabatan Hutan Sarawak (PERKIJAB), Kelab Peminat P.Ramlee Kuching enggau Pertubuhan Sahabat Pencinta Elmu Kuching.

Lau dalam jaku pengelalu ba pengerami nya madahka pemeri nya sebengkah ari tanggungpengawa rama kaban dalam STA.

Iya ngarapka mayuh agi gerempung di menua tu ulih meri bantu ngagai raban tauka orang ti begunaka bantu.

"Aku ngarapka pengerami seharitu, deka meri penyedar iya nya agi mayuh orang dalam raban bansa kitai agi nganti bantu ari kitai," ku iya ba pengerami nyuaka bantu belanja STA ngagai organisasyen rama enggau pengelantang pendiau ke diatur ba sebengkah hotel ditu, tadi.

Sama bisi datai ngagai pengerami nya tadi Menteri Muda Perancangan Bandar, Pentadbiran Tanah & Alam Sekitar Datu Len Talif Salleh enggau Menteri Muda Pembangunan Perusahaan Kecil & Sederhana (PKS) & Usahawan Datuk Mohd Naroden Majais.

  • oleh
  • Advertisement