Anda di sini

Perintah Besai setuju agih belanja RM1 biliun dikena nyikap sekula di menua pesisir enggau perengka guna

Advertisement

KUCHING 14 September: Perintah Besai setuju enggau inisiatif Perintah Nengeri ngeluarka belanja RM1 biliun ungkup pengawa nyikap semua sekula di menua pesisir di nengeri tu enggau perengka guna ke chukup.

Kepala Menteri Datuk Patinggi Abang Johari Tun Openg madah agih belanja nya jemah ila deka dibayar pulai Perintah Besai ngagai Sarawak.

"Inisiatif tu udah dikerandau aku enggau Sapit Menteri Besai Datuk Seri Dr. Ahmad Zahid Hamidi ba Sibu malam tadi.

"Kami setuju enti Perintah Besai bedau bisi belanja, Sarawak deka nguna belanja diri empu dulu,"ku Abang Johari rambau bejadi Program Digital Kenyalang ke diatur di Palan Aum Penview(PCC) di Kuching ditu, pagi tadi.

Abang Johari (dua kiba) bejadi Program Digital Kenyalang di Kuching pagi tadi.
Abang Johari bejadi Program Digital Kenyalang di Kuching pagi tadi.

Abang Johari madah ba aum nya, Zahid madah Perintah Besai deka mayar pulai agih belanja ke udah dikeluar Perintah Nengeri ungkup pengawa nya.

"Tu ketegal tanggungpengawa ba sentang pekara pelajar sigi dikuasa Perintah Besai,'ku iya nandu.

Abang Johari nambah belanja nya ila deka dikeluar nengah Development Bank of Sarawak (DBOS).
 

  • oleh
  • Advertisement