SIBU: Sepenyampau RM93,500 ‘outreach grant’ udah mujur disuaka ngagai 14 iku penerima ari Kunsil Nengeri (DUN) Bawang Assan ditu, kemari.
Geran nya disuaka Chairman Servis Komuniti (LPK) Parti Rakyat Bersatu (UPP) Sibu Dato Andrew Wong ba Opis Unit Bumiputera UPP Bawang Assan.
Iya ngarika Kaban Kunsil Nengeri (ADUN) Bawang Assan ti mega Menteri Wang II enggau Menteri Dagang Antarabansa enggau E-Dagang Dato Sri Wong Soon Koh.
Sekeda sida ke nerima tu iya nya ari macham bengkah gerempung, gerija, tadika enggau sekula.
Pengawa nyuaka geran tu bela dikemataka Sapit Chairman LPK UPP Sibu ti mega Chairman Unit Bumiputera UPP Bawang Assan, Andrew Shilling.
Sama bela datai iya nya Temenggung Stanley Geramong, Pemancha James Semilan sereta bala raban UPP kebukai.