Anda di sini

Juluk matak penatai 5 juta temuai taun tu deka nyadi nyata

Advertisement
 Karim dalam aum pengarang berita arap bendar Sarawak ulih nyapai juluk nerima 5 juta iku temuai ari menua luar ke nengeri tu ba taun 2017.
OPTIMIS: Karim dalam aum pengarang berita arap bendar Sarawak ulih nyapai juluk nerima 5 juta iku temuai ari menua luar ke nengeri tu ba taun 2017.

KUCHING: Opis Menteri Dagang Temuai, Seni, Main Asal, Nembiak enggau Lumba enggau Main arap bendar ulih narit urung 5 juta iku temuai ari menua luar ke Sarawak dalam taun 2017.

Menteri opis nya, Datuk Abdul Karim Rahman Hamzah madahka diri arap bendar pematak dagang temuai ke dikembuan nengeri tu sereta sekeda penerebai baru terus ke nengeri tu ulih mantu nyapai juluk iya.

Iya madahka isu chukai dagang temuai ke nyadi diatu ukai nyadika penanggul nengeri matak temuai datai ke Sarawak.

Aku arap bendar kitai ulih narit 5 juta temuai iya nya penyampau ke ditagit kitai taun tu ke nengeri tu, deka mayuh agi ari taun nyin kemari. Aku arap bendar pasal tu (5 juta temuai).

Baka ti kala dipadahka aku dua minggu ke udah, penyampau temuai ari menua luar ti datai ke Sarawak enti dibanding enggau taun nyin kemari, ba bulan Julai Ogos kitai udah ngelui ari 100,000 iku sereta penerebai terus ke nengeri tu, kitai pechaya ulih nerima 5 juta taun tu sereta mayuh agi taun baru,” ku iya.

Karim mansutka pekara nya dalam aum pengarang berita TEDx Kenyalang ke diatur ba bilik aum opis menteri iya ba Begunan Baitulmakmur ditu, kemari.

Bejaku baru iya madah, ke diatu bisi penerebai terus ninting hari ari Pontianak kitu, penerebai terus ari Langkawi ti empat kali seminggu ke Kuching sereta penerebai terus tiap hari ari China ke deka dipadah tauka dipejalaika enda lama agi.

Aku deka ke lebuh temuai datai ke Kuching sida bisi pengingat, laban enti sida bisi pengingat di nengeri tu kitai enda ibuh ngelakuka nengeri tu tang sida nulung kitai ngelakuka ngagai sida ke bukai.

Nya kebuah tiap bulan kitai bisi ngatur lumba enggau main tiap bulan ti enda ngira sekalika di Kuching, di Miri tauka ba endur bukai di nengeri tu sida temuai tetap disediaka hospitaliti nyengkaum temuai ke datai ari menua Semanjung, laban kitai deka ke sida bisi pengingat ditu lebuh pulai ngagai endur diri,” ku iya seraya madahka Sarawak bisi Taman Negara ti tebilang, hotel sereta pemakai enggau kebukai ke ulih narit temuai.

Advertisement