KUCHING: Perbadanan Pembangunan Perumahan (HDC) Sarawak deka meri kerejasama ngagai Komiti Penagang Makai Suap (SPRM) bekaul enggau pengawa nasat sepenyampau RM11,969 ke dikena ngechat Projek PPR Permyjaya, Miri.
Chairman HDC, Datuk Dr. Abang Abdul Rauf Abang Zen madahka, nya dikena ngayan sereta negapka akauntabiliti sereta nadai bechiping senipak enggau AkuJanji Integriti ke udah disain.
“HDC sehari tu ngesahka dua pegawai udah diperintah datai ngagai opis SPRM lalu meri penerang.
“Perintah nya dikena mantu pengawa nasat bekaul enggau sepenyampau RM11,969 ke dikena bejalaika pengawa ngechat Projek PPR Permyjaya, Miri,” ku iya dalam aum pengarang berita ti ngarika HDC enggau opis menteri nya.
Ketegal enda nembuka pengawa ngechat enggau ngemanahka 12 unit rumah pangsa di Miri pengudah dipinta mayar ngujungka dua iku pegawai HDC Sarawak ditan SPRM, ensanus.
Bepelasarka penerang,ti sama ditan dalam operasi urung pukul 12 ngagai 1.20 tengah hari iya nya seiku pengurus ke dipilih bejalaika projek inda ti dibukaba bulan April 2015 nya.
