Anda di sini

Perintah BN diansak ngakun tanah NCR: Cobbold

 Cobbold (duduk tengah) enggau Mengga (dua kanan) begulai enggau bala bukai ba licha ke diatur di Selangau kemari.
LICHA TANAH NCR: Cobbold (duduk tengah) enggau Mengga (dua kanan) begulai enggau bala bukai ba licha ke diatur di Selangau kemari.

Tanah ke disukat nengah Seksyen 6 Kod Tanah Sarawak (SLC) patut diakun nyadi Pulau Galau

KUCHING: Dayak National Institute (DANI) kemari nujur ngatur sebengkah seminar ke bekaul enggau tanah NCR di Selangau, Sibu.

Ba licha nya, seiti resolusyen ti ngansak Perintah Barisan Nasional (BN) ngakun hak bansa Dayak ba tanah diri (NCR) nengah Seksyen 18 Kod Tanah Sarawak (SLC) disetuju raban ke datai.

Nitihka penerang berita DANI, tanah NCR Dayak diatu disukat nitihka Seksyen 6 Kod Tanah Sarawak (SLC).

Ketegal nya, tanah ke disukat nya sigi patut diakun nyadi Pulau Galau.

Perintah BN udah ngelimpang runding rayat nengah penerang ti madah seksyen 6 nyadi seiti penetap ngemudah pekara ke bekaul enggau tanah ba Seksyen 18.

Tang tanah ke disukat nengah Seksyen 6 deka diempu perintah iya nya tanah Perintah Nengeri Sarawak,” ku Presiden Parti Bansa Dayak Sarawak Baru (PBDSB), Cobbold John ke bela ngulu licha nya.

Licha mega meransang bansa Dayak ngaga inisiatif nyukat tanah diri nengah bantu kompeni penyukat pribit sereta nguna chara GPS ti diakun kort.

Chara nya udah dikereja Dayak Bidayuh National Association (DBNA) ba taun 2009 ti meri bantu enggau kerejasama ba pengawa nyukat ke dipejalaika Perintah Sarawak tingujungka sekeda udah diberi pala tanah.

Bela bisi datai Ex-presiden Sarawak Dayak National Union (SDNU) enggau Dayak National Congress Mengga Mikui.