Anda di sini

Dua pengerami besai deka diatur dikena ngelalu Taun Nemuai Ke Miri 2018

Advertisement

MIRI: Bandar raya Miri, pasar keterubah ke ukai indu nengeri ti diangkat nyadi bandar raya, deka ngatur dua bengkah pengerami besai ujung taun tu dikena ngepunka Taun Nemuai Ke Miri 2018.

Datuk Bandar Miri Adam Yii Siew Sang madah, pengerami nya deka diatur kena 30-31 Disember di Marina Parkcity ditu, ti mandangka main asal, main bunga api, bazar enggau mayuh agi ke bukai dikena ngelaluka penatai taun baru.

Lebih 50,000 temuai menua tu enggau ari menua luar dipelaba ngulu kededua pengerami nya,” ku iya ba sebengkah penerang ditu kemari.

Ku iya pengawa ngatur kededua pengerami nya deka diuluka Majlis Bandaraya Miri ke ngaul mayuh bengkah ejensi perintah, gerempung ukai dikuasa perintah enggau organisasi bekaul enggau dagang temuai nyengkaum premis komersial.

Berebak enggau nya ku iya, siti langkar kereja komprehensif bekaul enggau pengerami nya benung digaga lalu deka dipejuraika ngagai opis nya ngambika dikemendar. — Bernama

Advertisement