Anda di sini

Program ke udah ditusun MPP ulih dikemujur nengah kerejasama ti manah

Advertisement

PADAWAN: Opis Kunsil Kandang Padawan(MPP) seruran deka ngadu program ungkup pemaik peranak ke diau ngelingi Padawan, Ku Sapit Chairman MPP Dato Ahmad Dato Sri Ibrahim.

Dikena nentuka juluk nya dijapai, Ahmad ngansak orang gawa MPP bekerejasama rat enggau pangan diri.

Ku iya, semina nengah kerejasama ke manah aja tetiap pogram ke udah ditusun MPP ulih dikemujur.

Udah tentu pemujur program kitai deka mulaika pemaik ngagai peranak ke diau ngelingi Padawan,”ku iya.

Ahmad mansutka jaku nya ba Pengerami Nutup Gawai enggau Ramah Tamah Aidilfitri MPP 2017 ke diatur di Begunan MPP ditu, kemari.

Nengah pengerami nya, Ahmad mega pechaya ulih ngerapitka kaul entara orang gawa MPP ti diarika mayuh pupu bansa enggau jalai pengarap.

Iya nambah, pengerami ke sama ungkup bansa bukai mega deka diatur MPP jemah ila.

Bela datai Chairman Pengatur Pengawa Kunsilor Sehat Sanub enggau orang bukai.

Advertisement