KUCHING: Pekit rakit buluh siti ari pekit baru ba edisyen ketiga Pesta Tagang Sungai Semadang 2017 kena 28 Julai( kemari), ku tukang pengerembai berita komiti pengatur,Ramos Jepos, kemari.
Ku iya, kategori ti dipekit iya tebuka ngagai peseretalelaki enggau indu ari dalam enggau menua luar ke beumur 18 tahun ke atas lalu tetiap tim dikemendarka ngembuan maksimum empat iku pesereta,
Pekit berakit sepenyauh urung tiga kilometer nya diatur pukul 11 pagi, 30 Julai, iya nya hari ke penudi pesta nya.
Deka beleka ari IGa Sa-uu di Kampung Semadang lalu tembu ba andau genturung pendiau nya.
Ku Ramos,bayar ngerejista diri RM50 ungkup tetiap tim lalu haribulan tutup nyereta iya nya sebedau pukul 12 tengah hari, 20 Julai tu.
Ku iya, tim ke nyadi champion deka nerima perais mata duit RM800, lumur dua RM600 lalu lumur tiga RM400.
Kelimpah ari pekit berakit,pekit bukai ke bisi diatur sekumbang pengerami tiga hari nya baka pekit nginti, lumba kayak, pekit pemajik cantik ‘Miss Tagang’, pekit nyumai, betanda, bazaar pemakai enggau pemansang.
Pom nyeretaa pekit berakit, kayak enggau nginti tau diambi ari Kafe Awah, Indu Opis Gerempung Bidayuh Dayak (DNBA) di Jalai Kumpang, Off Jalai Ong Tiang Swee, Kuching tauke betelefon ngagai Ramos Jepos ba lumur 013 8482670.
Pengerami nya diatur begulai Komiti Pemansang enggau Pengelikun Genturung Pendiau (JKKK) Kpg Semadang, Opis Betanam Betupi Sarawak lalu dipelanja Opis Menteri Perengka Pengangkut, Opis Menteri Dagang Temuai, Seni enggau Main Asal Sarawak. — Bernama