Anda di sini

Pengkalan maritim ba Mukah dibuka pengudah Hari Raya

Advertisement

MIRI: Ejensi Penerit Adat Maritim Malaysia (APMM) dipelaba deka muka pengkalan maritim ba Mukah pengudah pengerami Hari Raya tu.

Direktor Maritim Wilayah Sarawak, Laksamana Satu Maritim Ismaili Bujang Pit madah, bisi 20 iku kaban APMM deka dianjung gawa ba Mukah.

Sebuah kapal enggau bot laju mega deka diengkah ba pengkala tu dikena ngemuntang sida bejalaika pengawa nyaga kandang tasik ditu.

Naka tu, Pengkalan APMM Mukah numpang ba Jelatung Kaunsil Pemansang Ikan Malaysia (LKIM),” ku iya rambau dirandau pemberita ba Pengawa Besungkai Begulai enggau peranak Kampung Pujut Adong, di Surau genturung pendiau nua ditu, lemai ensanus.

Ismaili madah tuju muka pengkalan maritim ba Mukah dikena ngemujurka agi pengawa APMM nyaga kandang tasik Sarawak.

Nitih perati enggau pansik APMM nyengkaum mensia mayuh, kandang tasik Balingian di Mukah suah amat dikeruga bot berikan ari menua luar.

Tu mih ngujungka kami muka pengkalan ditu ngambi pengawa mutarka penanggul dikeruga orang berikan ari menua ulih dipejalai,” ku iya.

Ngelansa pekara bukai, Ismaili mega madah APMM deka bebendar agi mutarka penanggul keruga bot berikan ari menua luar ba kandang tasik Sarawak.

Advertisement