Anda di sini

Pengerami Hari Gawai pelasar ngetanka penyerakup

Advertisement
 Safiee (duduk, kiri) bersama yang lain ketika berada dalam upacara ‘Miring’ simbolik sambutan Gawai.
KELAI: Safiee (duduk, kiri) bersama yang lain ketika berada dalam upacara ‘Miring’ simbolik sambutan Gawai.

MUKAH: Hari besai Gawai Dayak patut nyadi pelasar kena ngetanka pengelantang tang enda ngelengkaka main asal.

Kaban Kunsil Nengeri (ADUN) Daro Safiee Ahmad madahka pengawa ngintu Pesta Tembu Ngetau nya besai reti sereta bela ungkup ngagai bansa bukai.

“Nadai ngira sapa enggau jalai pengarap dipegai, kitai begulai ngerami Gawai Dayak tu,” ku iya rambau Ngintu Mantar-Gawai nyerumba Program Pemesai Begulai Enggau Rayat Rumah Panjai (RH) Franchis Kiyai, Nanga Sigat Sibu kemari.

Nitih ku iya, bida entara pangan diri tau nyadika pekara kana matak sereta ngempung pangan diri.

Pia mega, iya ngelalau peranak rumah panjai ngemansangka diri kelebih agi ari sukut pelajar dikena nyungkak tikas pengidup.

“Anjung anak belajar ngagai tikas ke tinggi naka ulih sida, dudi hari ila sida deka pulai gawa ba endur menua asal diri empu,” tandu iya.

Ku iya, awak seruran bisi seriris enggau pemansang dipejalaika perintah lalu tepulai ngagai rayat ngena memanah nyadi peransang ekonomi ruang bilik.

“Anang berundingka idup di menua pesisir kita deka terus tinggal, runding ti bansa nya enda betul,” ku Safiee nambah.

Nya alai, dikena nentuka pemansang seruran dipejalai di kandang menua pesisir, sida patut meri sukung ngagai perintah sereta pengari rayat ti megai perintah ke diatu.

“Laban semina perintah enggau pengari rayat ke dipechaya tau sereta ulih ngangkatka perengka guna di menua ulu,” ku iya.

Safiee berebak enggau nya mega bejadika sekeda projek jematan enggau jelatung ti beungkus manggai RM200,000 nyengkaum pengawa nyuaka geran Projek Mit Pemansang Menua Pesisir (MRP) sepenyampau RM7,000  ngagai Komiti Pemansang enggau Pengelikun Genturung Pendiau (JKKK) RH Franchis Kiyai.

Advertisement